*  *  *

- ГьикI я, халу? – лагьана за

Кимел алай халудиз,

Яшаризни атана са

Рех янавай чурудиз.

- А дуьньяда ава женнет.

И дуьньяда азабар:

Къал-къиждик ква, килфет-килфет,

Чувударни арабар.

- Вун гьибурун терефдар я? –

Хълагьна за халудиз.

- Мусалай заз тереф дар я:

- За рагъ гузва хурудиз.

- Ам вуч лагьай чIал я эхир:

Садан партни тахьана?

- Квач халкьарик нукьсан, тахсир, -

Халуди заз лагьана.

"Лезги газетдин" 2023-йисан 46-нумрадай.