Жерме авуна

Дагъустанда судди виликдай Махачкъаладин администрациядин кьилин везифаяр вахтуналди тамамарай Абусупьян Гьасанован гьакъиндай ам 200 агъзур манатдин жерме авунин къарар акъудна. Идакай ТАСС-диз РД-дин Верховный суддин пресс-къуллугъдин регьбер Зарема Мамаевади хабар гана.

Къейд ийин хьи, А.Гьасановак, ре­кьер­ цIийикIа туькIуьр хъувун патал аукцион кьиле тухудайла, кьилдин касдин карханадин хийирдиз къанунсуз гьерекатар авунай тахсир кутунвай. Ада вичин­ тахсиркар хиве кьуна. Гьавиляй суддин заседание адетдинди тушир къайдада кьиле фена (субутдин делилар ахтармишнач). Нетижада судди А.Гьасанов тахсиркар тирди къарардалди тестикьарна ва жаза яз ам жерме авуна.

2018-йисан мартдин вацра Гьасанова­, Махачкъаладин мэрдин везифаяр та­ма­мардайла, рекьер цIийикIа туькIуьр хъу­вун­ патал малумарнавай аукционда “Дормост” НПО ООО гъалиб жедайвал, ше­гьер­дин администрациядин ЖКХ-дин уп­равленидин начальникдиз къанунсуз буй­ругъ гана. Нетижада ремонтдин кIва­лахар кьиле тухун патал икьрарни гьа и карханадихъ галаз кутIунна. Икьрардин къимет лагьайтIа, маса карханади теклифзавай къиметдилай 34 миллион манатдин артух тир. Гьасанован гьакъиндай къарагъарай уголовный кIвалахдин мате­риалрал асаслу яз, ада республикадин мер­кездин администрациядиз ганвай зарар (34 миллион манат пул) арадал хка­на.­

«Лезги газет»


Всего просмотров: 24

Читайте также: