Жамал Пашаева ахцегьвийриз куьмекна

ТIугъвалдихъ галаз алакъалу яз четин гьалар арадал атанвай макъамда кIеве гьатнавайбуруз алакьдайвал жуьреба-жуьре куьмекар гузвай кьилдин ксар ва тешкилатар тIимил авач.

Ахцегь райондин администрациядин пресс-къуллугъди хабар гайивал, ахцегьви меценат Жамал Пашаева и йикъара хайи райондин азарханадиз куьмек гана. Мергьяматлу ватанэгьлиди азарханадиз герек тир медикаментар ва маса такьатар маса къачуна. Къаюмвилин чIехи куьмек 27-майдиз агакьарна. Вичин нубатда ЦРБ-дин кьилин духтур Митгьад Мурсалова Жамал Пашаеваз куьмек гунай чухсагъул малумарна.

Къейд ийин, хейлин дарманрилай гъейри, меценатдин патай ЦРБ-див духтурар патал махсус костюмар ва маскаярни агакьна.  Алава хъийизвайвал, идалай вилик стхаяр тир Палчаеврин патайни къаюмвилин куьмек агакьнай.

«Лезги газет» 


Всего просмотров: 91
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире