Жабраил Гьажиеван агалкьунар

Мукьвара Бакуда азаддиз кьуршахар кьунай жаванрин арада Европадин къугъу­нар кьиле фена. Ана вичин ери-бине Ахцегьай тир  Жабраил  Гьажиевани  иштиракна.

Къейд ийин хьи, чи ватанэгьлиди и акъа­жунра Азербайжандин хкягъай командадик кваз иштиракна. 65 кг-дин заланвал авайбурун арада Гьажиева гъалибвал къачуна.

Финалдин бягьсина ам Урусатдин векилдихъ галаз гуьруьмиш хьана. Женг саки эхирдалди 5:0 гьисабдал урусдин хийирдихъ давам жезвай. Бягьс куьтягь жедалди сад-кьве декьикьа амаз, Жабраил Гьажиева вич регьятдиз гъалибвал вахкуз гьазур туширди къалурна. Ада, са шумуд прием авуналди, садлагьана 6 бал къазанмишна. Нетижада 6:5 гьисабдалди ахцегьвиди Европадин къугъунрин къизилдин медаль къачуна.

И йикъара Жабраила нубатдин кукIуш муьтIуьгъарна: адакай азаддиз кьуршахар кьунай дуьньядин кIвенкIвечивал патал кьиле фейи акъажунрин чемпион хьана. Баркалла! Мубаракрай кьегьал лезги хциз!

«Лезги газет»


Всего просмотров: 66

Читайте также: