Зейнаб Аюбова гъалиб хьана

14-апрелдиз Мегьарамдхуьруьн райондин Кьепlир-Къазмайрин мектебдин 10-классдин ученица Зейнаб Аюбовади «Дагъустандин акьуллу гадаяр ва рушар» тlвар алай мектебда кlелзавайбурун региональный телевизионный гуманитарный олимпиададин финалдин паюна иштиракна. Республикадин жуьреба-жуьре шегьеррай, хуьрерай 60 школьникди иштиракай олимпиададин финалдин пай телевизионный къугъун хьиз кьиле фена.

«Виридалайни гзаф чирвилер авай школьник» тlвар къачун патал регьят тушир женгина иштиракай Зейнаб Аюбова гъалибчи хьана. Гила адаз Москвада кьиле фидай федеральный паюна иштиракун патал теклифнава. З.Аюбовадиз 1-дережадин диплом ва планшет пишкеш гана. Къуй ада олимпиададин федеральный паюнани гъалибвал къазанмишрай!

“Лезги газет”

 


Всего просмотров: 30

Читайте также: