“Ярыдагъ-2020”

18-25-июлдиз Докъузпара райондин Къурушрин хуьруьн мулкара гьар йисуз тешкилзавай “Ярыдагъ-2020” фестиваль кьиле фида. Идакай ТАСС-ди хабар гузва.

Чешмедин малуматралди, мярекатда Урусатдин жуьреба-жуьре регионрай тир альпинистри ва дагъдин туризмдал рикI алайбуру иштиракда.

Дагъустандин спортдин туризмдин федерациядин президент Шарип Мурилован гафаралди, алай йисуз коронавирусдихъ галаз алакъалу яз фестивалда къецепатан уьлквейрин альпинистри иштиракдач. Алай вахтунда мярекатда иштиракун патал Москвадай, Санкт-Петербургдай, Краснодардин крайдай, Ставрополдай, Воронеждай теклифар атанва.

Къейд ийин хьи, фестиваль тешкилзавайбурун арада РД-дин туризмдин­ ва халкьдин яратмишунрин сенятрин министерство, Докъузпара райондин администрация ва республикадин спортдин туризмдин федерация ава.

Алай йисуз фестиваль ЧIехи Гъалибвилин 75 йис тамам хьуниз бахшзава. Дагъустандин виридалайни кьакьан Базардуьзуь дагъдин кукIушдал альпинистри Гъалибвилин тIаратI хкаждайвал я.

«Лезги газет»


Всего просмотров: 63
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире