Я.А. Яхьяев

И йикъара чав Дагъустандин Огни шегьердай рикl тlардай хабар агакьна: лап хъсан инсан , бажарагълу духтур, тешкилатчи, рикl михьи, гьалтай гьар садаз куьмек гудай, гзаф къени крарик кьил кутаз алакьай общественный деятель Яхьяев Яхья Абдулгьамидович рагьметдиз фе­на. Ам чидай вирибуру дериндай  яс чlугвазва, сада-садаз сабурар гузва.

Я.А. Яхьяев 1942-йисан 1-июлдиз  Кьурагь райондин Гелхенрин хуьре дидедиз хьана. Хуьруьн мектебдилай гуьгъуьниз Дербентдин медучилище (1962), Дагъустандин медицинадин институт (1972) акьалтlарна.

1962-йисуз Квардалрин, 1963-йисуз Гелхенрин медпунктунин заведующийвиле кlвалах­на. 1963-1966 –йисара Советрин Армиядин жергейра къуллугъна.

Армиядай хтайла Гелхенрин медпунктунин заведующийвиле тайинарна.

1969-1979-йисара  Дербент  шегьерда кардик  квай райондин  центральный больницада хирургвиле, Дербентдин медучилищеда муаллимвиле кlвалахна.

1979-1984-йисара шегьердин тади куьмекдин  станциядин кьилин духтурдин везифаяр тамамарна. 1984-2014-йисара Дагъустандин Огни шегьердин участковый больницада кьилин духтурвиле кlвалахна.

Яхья Абдулгьамидович са шумуд йисуз Дагъустандин Ог­ни шегьердин Собранидин ­депутат, общественный гзаф крарин жавабдар тешкилатчи хьана.

Я.А. Яхьяев руьгьдай хци, бедендиз мягькем инсан, хизандин рикl алай буба, птулар тербияламишзавай чlехи буба тир. Ада республикадин здравоохранение вилик тухуник  вичин пайни кутуна.

Ам Дагъустан Республикадин лайихлу духтур, гзаф шабагьрин ва гьуьрметлу тlварарин сагьиб тир.  Ингье, инсанриз вичин патай экв туна, эбеди дуьньядиз фена.

Чна рагьметлудан хизандиз, мукьва-кьилийриз, вири багъ­рийриз башсагълугъвал гуз-ва. Яхья Абдулгьамидовичан экуь къамат садрани чи рикlелай алатдач.

Дустарин са десте ва вири мукьва-кьилияр


Всего просмотров: 43
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире