Виликан министр кьунва

Махачкъала шегьердин Кировский райсудди региондин бюджетдай 13,4 миллион манат чуьнуьхунай шак финай Дагъустандин транспортдин, энергетикадин ва алакъадин виликан министр Юсуп Малламегьамедов 10 суткада дустагънава. Идан гьакъиндай сала­са юкъуз ТАСС-диз суддин пресс-къуллугъди хабар гана.

“Юсуп Малламегьамедоваз 10 йикъан – 10-ноябрдалди дустагъ атIанва”, – лагьана суддин векилди.

“Эгер ам тахсирлу яз гьисабайтIа, и серенжем кьве вацра – 2018-йисан 31-декабрдалди давам жеда”, – алава хъувуна ТАСС-дин суьгьбетчиди.

Адан гафаралди, Ю.Малламегьамедовал, 2015-йисуз Дагъустандин транспортдин энергетикадин ва алакъадин министерст­водин кьилин къуллугъдал алайла, “коммерциядин къалп теклифар ишлемишу­налди, государстводин контрактрин сифтегьан вини кьилин къиметар тайинарун патал аукциондин документар туькIуьрунай шак физва”.

“Виликамаз авунвай ахтармишунри тайи­нарнава хьи, Дагъустандин МФЦ-рин игьтияжриз мебель маса къачун патал чара авунвай бюджетдин такьатар харжун делилламишуниз анализ гудайла, республикадин транспортдин, энергетикадин ва алакъадин министерстводин руководитель яз, Ю.Малламегьамедова, силисдин делилралди, го­су­дарстводин интересар чIуруналди, Да­гъустандин бюджетдиз 13 миллионни 449 агъзур манатдин зарар гана”, – лагьана агент­стводин суьгьбетчиди.

Чи мухбир


Всего просмотров: 33

Читайте также: