Вилик квай месэлайриз килигна

Ахцегь райондин кьил Осман Абдулкеримова райондин отделринни тешкилатрин жавабдар къуллугъчийрихъ галаз нубатдин совещание кьиле тухвана. И гьакъиндай «Лезги газетдиз» инстаграмда авай «Ахты_спорт» чини хабар гузва.

Кьилди къачуртlа, совещанидал медицинадин кабинетар ва образованидин идарадин медкъуллугъчийрин кlвалах лицензия авунин, «100 мектеб» программадин сергьятра аваз Ахцегьрин 1-нумрадин ва Къурукаларин мектебар ремонт авунин, выпускникар ОГЭ-дизни ЕГЭ-диз гьазурунин рекьяй райондин образованидин управлениди тухузвай кlвалахдикай, «Цlийи дуьнья» газетдин дарамат ремонт авунин ва районда кардик квай бязи аялрин бахчайрин кlвалахрихъ галаз алакъалу месэлаяр веревирдна.

Икьван чlавалди гъиле кьунвай кlвалахар тамамарунин гьалдикай жавабдар ксари ихтилатна. Райондин кьил О.Абдулкеримова къейд авурвал, тапшурмишай месэлаяр саки кьилиз акъуднаватlани, гьар са месэладив къайгъурадвилелди эгечlна кlанда. Ада кьилдин руководителрин кlвалахрилай вич нарази тирдини лагьана.

Эхирдай райондин кьили декабрдин вацран юкьваралди вилик акъвазнавай крар тамамар хъувун патал жавабдар ксар тагькимарна.

“Лезги газет”


Всего просмотров: 26

Читайте также: