ВацIун кьер мягькемардайвал

Ахцегьрин хуьруьн саламатвал таъминардайвал, Са­мур вацIун кьер мягькемарунин проект туькIуьрун патал Дагъустандин властри 7,3 миллион манат­дилай­ виниз такьатар чара авуна. ВацIуз сел атайла, Ах­­це­гьа кIвалер тухунин къурхулувал арадал атай дуьшуь­­шарни жезва. Идан гьакъиндай ТАСС-ди хабар гузва.

“Саламатвал таъминардайвал, Самур вацIун кьер мягькемаруниз талукь проектдин документар туькIуь­рун патал тухудай аукциондин заказчи яз майдандиз РД-дин “Дагводсервис” ГКУ экъечIнава. Проект кьилиз­ акъудун патал серфдай такьатар республикадин бюджетдай чара ийида”, — къейднава аукциондиз талукь документра.

И кIвалахар кьилиз акъудиз кIанзавайбурун патай­ арзаяр алай йисан 6-ноябрдалди кьабулзава. Аук­ци­он­да гъалиб хьайида вацIун кьер мягькемарунин кIва­лахар 31-декабрдалди кьилиз акъудун герек я.

Дагъустандин лап чIехи хуьрерикай сад тир Ахце­гьа саки 13,5 агъзур кас агьалияр яшамиш жезва.  И хуьр вичин минеральный цин чешмейралди машгьур хьанва. 2018-йисан августдиз къати марфар къуникди  селлер атай чIавуз Самур вацIун эрчIи патан кьер тухвана. Нетижада хуьре яшайишдин кIвалер чукIу­нин ва “Къаракуьре-Ахцегь” газопроводдиз хасаратвал хьунин къурхулувал арадал атана.

«Лезги газет»


Всего просмотров: 82

Читайте также: