Вагьшийрикай делилар

—           Нек хъвадай гзаф вагьшийрин мез яруди я, анжах жирафрин мез вили рангунинди жеда.

—           Кьиблепатан Америкадин вацIара электричество квай угорь балугъ ава, адан токдин къуват 1,2 ампердив агакьзава. Ихьтин токдин къуватдивай 100 ваттдин ругуд лампа куькIуьриз жеда.

—           Аби рангунин кит вагьши гьайванрикай виридалайни чIехиди я. Сифте хьайи адан шарагдин заланвал 3 тонндив агакьзава, са йис алатайла, — 26 тонндив. Тарихда малум тир виридалайни чIехи кит 1947-йисуз кьуна, адан заланвал 190 тонн тир.

—           Хамелеондивай вичин бедендилайни гзаф яргъи мензилдиз кьван мез къецихъ акъудиз жеда.

—           Дуьньяда 70 агъзурдав агакьна хушраканрин ва 3 агъзур кьван нетIерин жуьреяр ава.

—           75 процент вагьши къушарин уьмуьр зур йисалай артух давам жезвач.

—           Лап гъвечIиди тир колибри къушравай са йикъан къене вичин заланвилелай кьве сеферда артух ем нез жеда.

—           Филди са юкъуз 90 литр кьван яд хъвазва.

—           Африкадин лекьендилай алай чкадилай вадни зур метрдин кьакьандиз тарариз хкадариз алакьда.

—           Са грамм вирт гьазурун патал чIижре агъа кIан 2000 цуькведал кьван лув гана кIанда.

—           Акулади, вичи гьужумзавай гьайванди -къур­бандди аксивал къалурдайла, хасарат та­гурай­ лугьуз, маса гьайванар кьадайла, вилер кIев­зава.

—           Яд хъун тавуна виридалайни гзаф вахтунда акъвазиз жедай гьайванар девеяр ваъ, тартарар (гьамбардин кьифер) я.

—           Вагьши кацерин жинсиникай виридалайни хаталуди пеленг я.

—           Жирафрилай балкIанрилайни йигиндиз звериз алакьда.

Гьазурайди — К.Ферзалиев


Всего просмотров: 36

Читайте также: