Усугъви — дуьньядин чемпион

И йикъара Москвада пауэрлифтингдай дуьнья­дин чемпионат кьиле фена. ЦIи адан сергьятар лап гегьеншбур тир — дуьньядин саки вири уьлквейрай атанвай спортсменри ана чпин устадвал къалурна. Шадвилелди къейд ийиз кIанзава хьи, абурун арада Кьурагь райондин Усугъай тир  Ислам  Рамазановани  иштиракна ва дуьньядин чемпионвилин тIвар къазанмишна. Мубаракрай!

Ислама спортдин кесерлу майданра икьван чIавал­дини вичин устадвал садрани-кьведра къалурнач. Ам международный классдин спортдин мастер, Россиядин, гьакIни Европадин кьве сеферда чемпион я. Гила ада кьвед лагьай сеферда дуьньядин чемпионвилин тIварни къазанмишнава. Аферин чи кьегьал хциз!

Къейд авун лазим я хьи, чемпионатда И.Рамазанова дуьньядин рекордни эцигна ва ам ­дуь­ньядин виридалайни викIегь пуд атлетдин (ви­ри санлай кьурла, 780 кг хкажна) жергеда гьатнава.

Дуьньядин чемпионвилин тIвар — спортдин ре­кье виниз тир агалкьун къазанмишуналди, Ислама вири лезги халкьдик лувар кутунва. Адал дамахзава. Чна чи ватандашдихъ чандин сагъвал­, хизанда хушбахтвал ва вилик эцигнавай мурадар кьилиз акъуддай къуватар хьун алхишзава.

Регина Семедова


Всего просмотров: 226
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире