Устадвал къалурна

Мукьвара Астраханда, Советрин Союздин Игит С.И.Здоровцеван экуь къаматдиз бахшна, 2003-2007-йисара дидедиз хьанвай жаванрин арада боксдай Вирироссиядин турнир кьиле тухвана. Уьлкведин жуьреба-жуьре регионрай тир хкянавай 19 командадик кваз ана 180-дав агакьна спортсменри иштиракна.

Сулейман-Стальский райондин физический культурадин, спортдин, туризмдин ва жегьилрин крарин рекьяй комитетди и акъажунриз КIварчагъа Гьабиб Аллагьвердиеван тIварунихъ галай бокс вилик тухудай центрада вердишвилер къачузвай боксёррин команда рекье тунвай. Акъажунрин къизгъин бягьсерин нетижада 4 гадади медалар къазанмишна. ИкI,   Артём Агъамегьамедов (38 кг-дал къведалди заланвал авайбурун арада), Абумуслим Гереев (40 кг-дал къведалди заланвал авайбурун арада) ва Надирбег Жабраилов (48 кг-дал къведалди заланвал авайбурун арада) — къизилдин, Мансур Халилбегов (52 кг-дал къведалди заланвал авайбурун арада) гимишдин медалриз лайихлу хьана.

Турнирдин гъалибчийриз ва призёрриз медалар, грамотаяр ва вымпелар гана. Къейд авун лазим я хьи, КIварчагърин гъвечIи боксёрри ­Вирироссиядин дережадин акъажунра агал­кьунар къазанмишнавай им сад лагьай сефер туш. Кьилди къачуртIа, А.Алимегьамедова — 4, А.Гереева 3 сеферда гъалибвилер къазанмишна. Абур гьакI Дагъустандин кIвенкIвечивал патал акъажунрин буьруьнждин медалрин сагьибарни я.

«Лезги газет»


Всего просмотров: 47
Подпишитесь на наши каналы:

Читайте также:


Новости партнеров