Цlаярикай хуьх!

И йикъара Докъузпара райондин Цlийикаракуьре хуьруьн жемятдихъ галаз и хуьрьун администрациядин кьил Гуьлагьмед Парванаева, райондин 37-нумрадин пожарный частунин отделенидин командир Фейзудин Сулейманова ва цlаяр хкадардай къуллугъчи Рустам Парванаева «Цlаярикай хуьх!» лишандик кваз сход кьиле тухвана.

Жемятдихъ галаз гуьруьшмиш хьунин макьсад цlаяр кьунин дуьшуьшар арадал татун патал са бязи месэлайрикай халкь хабардар авун тир. Цlаяр кьунин дуьшуьшра неинки эменни барбатl хьунин, гьакl инсанар телеф хьунин пис нетижайралди гъизва.

Хсуси кlвалера цlухъ галаз алакъалу бедбахтвилер тахьунин ва и крарин вилик пад атlунин мураддалди тухвай сходдал иштиракчийри метлеблу ихтилатар авуна. Кьилди къачуртlа, кlвалера ачух спиралар алай, жуван гъилеривди туькlуьрнавай электричестводин приборар ишлемиш тавунин, гурмагъар вахт-вахтунда михьунин, кlвалер чими ийидай тадаракрив ва газдив мукъаятдаказ эгечlунин, цlаяр кьунин дуьшуьшар тахьун патал къайдаяр вилив хуьнин, гьар гьи чкадал хьайитlани пlапlрусар чlугун тавунин ва икl мад хейлин месэлайрин гьакъиндай ихтилатна, халкьдихъ галаз веревирдна.

“Лезги газет”

 


Всего просмотров: 20

Читайте также: