ЦIийибуралди эвезна

“Лезги газетдиз” Ахцегь райондин администрациядин пресс-къуллугъди хабар гайивал, 1957-йисуз ишлемишиз вахкай “Ахцегь-Мискискар” къаналдал яд тухун патал чIутхварар хьиз раснавай, чпин яргъивилел 54 ва 42 метр алай цIийи кьве муьгъ (акведук) эцигна акьалтIарнава.

Чешмедин малуматралди, “Ахцегь-Мискискар” къаналдал цIийибур эцигунилай гъейри, яд тухун патал чIутхварар хьиз раснавай куьгьне муькъвер алудунин кIвалахар кьиле тухвана. Монтаждин ва эцигунрин кIва­лахрин сметадин къимет, санлай къачурла, 2,2 миллион манатдиз  барабар хьана.

Алай вахтунда къанал райондин мулкарал алай хуьруьн майишатдин метлеб авай чилер дигидай яд ахъаюн патал гьазур я.

Ахцегь райондин администрацияди къанал къайдадиз хкун патал эцигунрин кIвалахар кьиле тухунай “Дагестангеофизика” ООО-дин гендиректор Самур Агъалароваз, “Минмелиоводзоз” ФГБУ-дин директор Залкип Къурбановаз ва зегьмет чIугур вири пешекарриз сагърай лугьузва.

“Лезги газет”


Всего просмотров: 39

Читайте также: