ЦIийи центр эцигда

Мукьвара РД-дин зегьметдин ва яшайишдин рекьяй вилик тухудай министерстводин коллегиядин заседанидал министр Изумруд Мугьуьтдиновади яшар 18 йисалай алатнавай инвалидар патал Да­гъус­танда реабилитациядин цIийи центр эцигун пландик квайдакай лагьана.

“Министерстводиз инвалид аялриз ва чIехи­бу­руз­ яшайишдинни реабилитациядин ерилу куь­мек­ гунин жигьетдай чарар гзаф къвезва. Къе­нин юкъуз и месэлаяр гьялунин мураддалди яшар 18 йисалай ви­низ тир инвалидар патал Каспий гьулуьн къерехда,­ Да­гъус­танда сад лагьайди яз, реабилитациядин центр эцигуниз талукь гьазурлухвилин кIва­лах кьиле тухванва. Гележегда хсуси ва госамадагвилин сергьятра аваз аялар патал реаблитациядин са жерге центраяр тешкилунин месэлайриз фикир гуда”, — раижна ада.

Гуьгъуьнлай совещанидал рахай Махачкъалада аялар ва жаванар патал кардик квай реабилитациядин центрадин регьбер Татьяна Берёзкинади и кардик кьил кутунай министерстводиз чухсагъул лагьана. Адан гафаралди, эхиримжи 25 йисуз и месэла чи республикада лап хциди я. Т.Берёзкинади мадни къейд авурвал, 18 йис тамам хьайила, аялар и центрадай “фидай чка авачиз” амукьзава. Совещанида иштиракай РД-дин Гьукуматдин Кьил Артём Здунова и теклифдин тереф хвена.

«Лезги газет»


Всего просмотров: 59

Читайте также: