Цегв-панда

Алемда авай ажайиб гьайванрин жергедик пандадин рангуниз ухшар авай гьашаратни акатзава. Акунрай цекврез ухшар ятlани, гьакъикъат­да ам лувар квачир хуз я. Цегв-панда Кьиблепатан Америкада яшамиш жезва. Чlулав ва лацу ранг себеб яз, адал цегв-панда тlвар акьалтнава. Адан винел пад сих чlарари кьунва, гьавиляй адаз махпурдин цегвни лугьузва, яргъивилел 3-8 сантиметр кьван хьун мумкин я. Адетдин цекверилай тафаватлу яз, адан мизмизни яргъиди я. Алай вахтунда цегв-панда Аргентинада, США-да ва Мексикадани дуьшуьш жеда.

Цегв-панда зегьерлу гьашарат я. Цlудралди ихьтинбуру кlасайтlа, мал кьиникьал атун мумкин я. Гьавиляй и цеквер авай чкайра яшамиш жезвай агьалийри абуруз “калерин душманар” тlвар ганва. Махпурдин цеквери кlасуникди гьатта инсандизни еке зарар жеда.

Тlуьниз абуру цуькверин миже ишлемиш­зава.

Гьазурайди — Куругъли Ферзалиев


Всего просмотров: 48

Читайте также: