ТIимил жезва

Мегьарамдхуьруьн райондин администрацияда “Общественный хатасузвал хуьнин гьалар хъсанарунин гьакъиндай”  месэладиз талукь совещание хьана. Ам райадминистрациядин кьилин сад лагьай заместитель Гьабибуллагь Мурадалиева кьиле тухвана. Мярекатда райондин администрациядин аппаратдин жавабдар къуллугъчийри, идарайрин, организацийрин, къайдаяр хуьдай органрин руководителри  ва маса ксари иштиракна.

Общественный хатасузвал хуьнин рекьяй райондин   администрациядин кьилин заместитель Зайнудин Азимова талукь маса органрихъ галаз общественный хатасузвал хуьн патал администрацияди тамамарзавай кIва­лах­дикай суьгьбетна.

Ада лагьайвал, шаз, цIинин йисан алатнавай девирда районда гьалар секинбур хьана ва тахсиркарвилерин кьадар тIимил жезва. И кардиз райондин, хуьрерин администрацийри, общественный организацийри, къайдаяр хуьдай органрихъ галаз санал тухузвай кIвалахди таъсирзавай. Райондин культурайрин идарайра “Ихтибарлувилин клубар” кардик кутунва ва ан­ра школайра кIелзавайбурухъ галаз мукьвал-мукьвал метлеблу суьгьбетар тешкилзава­.

Райондин образованидин управлениди талукь вири жуьредин къурулушрихъ галаз санал ва жегьилар гъавурдик кутун патал “Терроризм ва адан нетижаяр”, “Экстремизм ва адакай авай хаталувал”, “Наркотикриз – ваъ!” темайрай суьгьбетар тухузва, лекцияр кIелза­ва, элкъвей столар тешкилзава. Райондин администрациядин къарардалди саки вири хуьрера халкьдин дружинайри кIва­лахзава.

“Лезги газет”


Всего просмотров: 21

Читайте также: