ТIебиатдин михьивал хуьн патал

Малум тирвал, чи республикада, гьа жергедай яз Кьиблепатан региондани, чун эл­къуьрна кьунвай алем, тIебиат зирзибил гадарун себеб яз йисалай-суз чиркин жезва. И къайдасузвал арадай акъудунин рекьерикай кьилинди зирзибил, яшайишдин амукьаяр гьялдай махсус карханаяр эцигун я.

Дербент шегьерда и важиблу месэла гьялун патал кьетIен серенжемар кьабулзава. Зирзибил гьялдай завод эцигдай чка чара авунва, проект гьазурзава, кархана эцигдай инвесторар жагъурзава.

Тайинарнавай планар, яргъалди вегьин т­авуна, кьилизни акъуддай хьтинди я. И му­кь­­вара къадим шегьердиз атай Туьркиядин­ зирзибил гьялдай компаниядин векилрихъ галаз шегьердин администрацияда кьиле фейи гуьруьшдални и фикир тестикь хьана.  Компаниядин векилрихъ галаз санал мярекатда шегьердин кьилин везифаяр вахтуналди тамамарзавай Энрик Муслимова, РД-дин тIе­биатдин ресурсрин ва экологиядин министрдин заместитель Арслан Сайпуллаева, Исламдин бизнесдин рекьяй международный ассоциациядин ва шегьердин администрациядин са жерге подразделенийрин руководителрини иштиракна.

Вичин рахунра Энрик Муслимова мугьманриз шегьердин тарихдикай, анаг элкъуьрна кьунвай тIе­би­атдин, ерийрин кьетIенви­ле­ри­кай, абур михьиз хуьнин лазимлувал авайдакай суьгьбетна, Дагъустандинни Туьр­киядин арада, гьа жергедай яз карчивилин барадай, сих алакъаяр авайди къейдна, Дербентда Туьркиядин компанияди кIвалахун па­тал вири шартIар яратмишдайдахъ инан­ми­шарна.

Нариман Къарибов


Всего просмотров: 18

Читайте также: