ТIебиатдикай итижлу делилар

Квез чидани? 

—           Дуьньядин картайрал агъзурдав агакьна цин кIаник квай дагълар къалурнава, амма гьа­къи­къатда абурун кьадар 100 агъзурдалайни гзаф я.

—           Нидерландар хушраканар гзаф авай уьлкве я.

—           Антарктидада 2 миллион йисалайни гзаф вахтунда марф ва жив къун тавунвай чкаяр ава.

—           Антарктидада анжах са вацI ава — Оникс. Ам йиса анжах кьве вацра авахьзава.

—           Эхиримжи 30 йисан девирда гарун йигинвал 60 процентдин яваш хьанваз гьисабзава.

—           Дельфинрин хамунин винел патан къат гьар кьве сятда цIийи жезва.

—           Пенек-пенек хьайи хам алай акулайрин къене шарагри сада-сад незвай дуьшуьшар гзаф жезва. Адет яз, и кар шарагриз сарар экъечIайдалай кьулухъ арадал къведа.

—           Антарктида вири терефрихъай океанри кьунва, Арктика — континентри.

—           Эгер вили китди сиве яд кьуртIа, цин заланвал адан бедендин заланвилиз барабар жеда.

—           Виридалайни еке гевгьердин кIусунин заланвал ругуд килограмм я.

—           Гьажибугъда экъечIдайла, адай жаркь-жаркь ванер акъатда.

—           Эхиримжи 4 агъзур йисуз гьич са вагьшини кIвалин гьайвандиз элкъвенвач.

«Лезги газет»


Всего просмотров: 40

Читайте также: