Тарихда сифте яз

Каспийск шегьерда уьлкведин тарихда сифте яз Россиядин ВМФ-дин  йикъаз бахшнавай зурба парад кьиле фена. Ана региондин Кьил Владимир Васильевани иштиракна.

Сифте нубатда республикадин регьбер 71-нумрадин военный городокдиз фена, идалай гуьгъуьниз ам Каспийский флотилиядин командующий Сергей Пинчукахъ галаз санал катерда аваз флотилиядин гимийрин параддин низамдихъ фена ва экипажриз сувар мубаракна.

Мярекат РФ-дин Президент Владимир Путина ВМФ-дин йикъаз талукь яз сувар мубарак авуналди давам хьана. Вичин рахунра государстводин Кьили къейдна: “Машгьур Андреевский пайдахдик кваз дяведин гимийри  дявединни гьуьлерин флотдин вири личный составди лап муракаб месэлаяр лайихлудаказ кьилиз акъудзава. ИкI, михьидаказ чи инсанриз, чи Ватандиз къуллугъ авунай гьар са матросдин ва офицердин надир руьгь аквазва. Алай аямдин Россиядин дявединни­ гьуьлерин флотдин составда лап виниз тир еридин яракьдалди тадаракламишнавай гимияр, цин кIаникай фидай крейсерар ва гзаф макьсадрин луьтквеяр, лап цIийи самолетар ва лув гудай маса аппаратар, яракьрин ва махсус техникадин надир чешнеяр ава. Гьелбетда, Ватандин  флотдин кьилин къуватар ана къуллугъзавай инсанар я”.

Ахпа гьуьлуьн кьере агьалияр патал театрдин жуьредин тамашаяр тешкилна. Каспий гьуьле Россиядин флот гьикI кардик акатнатIа суьгьбетна ва  Да­гъустандин культурадихъ галаз танишарна.

Идалай гуьгъуьниз церин спортдин сувар башламиш хьана. Гьа икI, парад кьиле физвай вахтунда “Махачкала”, “Астрахань”, “Волгодонск” ва АК-209, АК-223, АК-201 гимийрин экипажри шар­тIунин душмандин гимийрихъ галаз гьуьлуьн женг кьиле тухвана. Идалай гуьгъуьниз РБ-397 рабочий буксирдин экипажди гимида цIай хкадариз куьмек гана.

Парадда гьакIни Кьиблепатан военный округдин ва ПВО-дин ВВС-рин 4-армиядин СУ-34 истребителри-бомбардировщикри, Ми-8 АМТШ “Терминатор” вертолетри иштиракна.

Гьуьлел кьиле физвай женгериз килигунилай гъейри,  кIватI хьанвайбурувай флотилиядин частарин яракьрин ва женгинин техникадин выставкадизни физ хьана.

«Лезги газет»


Всего просмотров: 141
Подпишитесь на наши каналы:

Читайте также:


Новости партнеров