Тарифдиз лайих газет

Чи газетдин жезвай 100 йис

Мубаракиз кIанзава заз.

Ни кхьенвачтIа, жемир гьич кис,

Газет кхьихь, жемир яргъаз.

 

Акъатзава дидед чIалал,

Руьгьдин хуьрек жуван къвалал,

Гьар лезгидин рикIин хиял —

Герек я къе “Лезги газет”.

 

Баркаллу хва Мегьамеда,

КIвалахзава и газетда,

Вахт-вахтунда гьар гьафтеда

Акъудзава “Лезги газет”.

 

Кхьизва ам вахт атайла,

Дувулрик зи кьеж кткайла,

Шад жеда зун ам хтайла,

КIвалин багьа мугьман, газет.

 

Пагь, шадвилихъ тежез кьадар,

КIелиз кIан я вич цIарба-цIар,

Подшивкайри кьунва кьацIар,

Чи тарихдин бине, газет.

 

Гьакьван рикIиз я ам масан,

Дережаяр хьуй мад кьакьан,

Руьгьдин ем я квачир нукьсан,

Гуьзгуь лугьун хас тир газет.

 

Райсудин  Набиев


Всего просмотров: 21
Подпишитесь на наши каналы:

Читайте также:


Новости партнеров