Сулейман Эфендиеван турнир

Ахцегь райондин регьбер Осман Абдулкеримован къарардалди Ахцегьа РФ-дин физкультурадин ва спортдин лайихлу работник, азаддаказ кьуршахар кьунай ва самбодай СССР-дин спортдин мастер С.А.Эфендиеван гьуьрметдай 2002-2003-йисара дидедиз хьанвай гадайрин арада азаддаказ кьуршахар кьунай турнир кьиле фена. Акъажунрин спонсорар райондин кьиле авай ксар ва коньякрин заводдин директор Мурад Гьажиев тир. Турнирда 44 пагьливанди иштиракна. Акъажунрин секретарь Ф.Гъаниев тир.

Турнир, адан иштиракчияр ва мугьманар тебрикуналди, “Ахцегь район” МР-дин кьил Осман Абдулкеримова ачухна.

– Гьуьрметлу ахцегьвияр, азиз мугьманар! Къе Ахцегьрин къадим чилел спортдин еке сувар кьиле физва. Чна зурба спортсмен, тренер, тежрибалу педагог, азаддаказ кьуршахар кьунай Ахцегьрин школадин диб эцигайди тир чи ватан­эгьли Сулейман Абдурагьимович Эфендиеваз талукьарна жаванрин арада нубатдин турнир тухузва. Сулейман Аб­дурагьимовичан вири уьмуьр спортдихъ, жегьилриз чирвилерни тербия гунихъ галаз ала­къа­лу я. Спортдин рекьяй ада тербия ва вердишвилер гайи ксарин арада РД-дин Гьукуматдин кьил Абдусамад Гьамидов, РФ-дин Госдумадин депутат Мурад Гьажиев, Дербентдин чехиррин заводдин ­директор Мегьамед Саадулаев ва хейлин ма­сабур ава. Яргъал йи­­сарин гьакъисагъ зегьметдай С.Эфен­­диев  хейлин­  госнаградайриз лайихлу хьана. Ам Россиядин образованидин лайихлу работник я. Эфендиеврин сихилдихъ спортдин девлетлу тарих ава. Адан стхайрикай, хцикай, хтулрикай азаддаказ кьуршахар кьунай дуьньядин, СССР-дин, Россиядин чемпионар хьана. Абуру гьакI Олимпиадайрани иштиракна – къейдна ада.

Шад мярекатдал райсобранидин председатель А.Палчаев, РД-дин спортдин министрдин заместитель З.Салаутдинов, азаддаказ кьур­шахар кьунай Россиядин лайихлу тренер И.Алиев, РД-дин Халкь­дин Собранидин депутат С.Мурсалов, райондин кьилин заместителар тир М.Гъаниев ва А.Шуаев, тур­нирдин кьилин судья, азаддаказ кьуршахар кьунай СССР-дин спортдин мастер Э.Шагьмарданов, “сельсовет Ахтынский” СП-дин кьил Н.Эфен­диев, азаддаказ кьуршахар кьунай СССР-дин спортдин мастер Мегьамедвели Гъаниевни рахана, РДК-дин манидарри ва райондин искусствойрин школадин кьуьлердайбурун дестеди концерт гана.

Кьве юкъуз давам хьайи къизгъин бягьсерин нетижада чпин заланвилин категорийрай 1-чкайриз Жалил Рашидов (Мегьарамдхуьр, 29 кг), Рамазан Саидов (Рутул, 32 кг), Гьажимегьарам Халилов (Рутул, 35 кг), Давид Юсупов (Къизляр район, 38 кг), Фаргьад Атаханов (Мегьарамдхуьр, 42 кг), Али Махачев (Къизляр район, 46 кг), Мегьамед Сагьиндикьов (Сулак, 50 кг), Давид Мирзоев (Мегьарамдхуьр, 54 кг), Мегьамед Аллагьвердиев (Избербаш, 58 кг), Жабраил Гьажиев (Ахцегь, 63 кг), Насир Асланов (Ахцегь, 69 кг) лайихлу хьана. 2-чкаяр Тамирлан Мегьамедова (Сулак, 29 кг), Гьажикъурбан Маличаева, (32 кг), Назир Алисултанова (Докъузпара район, 35 кг), Рамазан Жаватова (Сулейман-Стальский район, 38 кг), Казбек Рамазанова (Авадан, 42 кг), Башир Мегьамедова (Махачкъала, 46 кг), Тавил Ильясова (Ахцегь, 50 кг), Шамил Жалилова (Ахцегь, 54 кг), Асвар Палчаева (Ахцегь, 58 кг), Гьажи Нурова (Шамильский район, 63 кг), Запир Мегьамедова (Махачкъала, 69 кг) кьуна. 3-чкайриз Муслим Къарабегов (Мегьарамдхуьр, 29 кг), Имам Алиханов (Ахцегь, 29 кг), Арсим Абдулкъадиров (Ахцегь, 32 кг), Сулейман Загьидов (Избербаш, 32 кг), Муслим Тажибегов (Мегьарамдхуьр, 35 кг), Мегьамед-Имам Саидов (Рутул, 35 кг), Фели­кс Закиев (Докъузпара район, 38 кг), Осман Мутаев (Избербаш, 38 кг), Жумали Эмиров (Мегьарамдхуьр, 42 кг), Нуруллагь Агъасиев (Докъузпара район, 42 кг), Имамгьажи Нукаров (Махачкъала, 46 кг), Амин Алискантов (Махачкъала, 46 кг), Фидел Ибрамхалилов (Дербент, 50 кг), Замир Тагьиров (Мегьарамдхуьр, 50 кг), Ширинбег Ризаев (Ахцегь, 54 кг), Мегьамед Хайбулаев (Махачкъала, 54 кг), Энрике Сефибегов (Мегьарамдхуьр, 58 кг), Саид Алимов (Махачкъала 58 кг), Даниял Исаев (Къизляр район, 63 кг), Мегьамедамин Гьуьсейнов (Ахцегь, 58 кг), Агъалар Агьмедов (Ахцегь, 69 кг), Акбар Жамирзоев (Ахцегь, 69 кг) лайихлу хьана.

КIвенкIвечи чкаяр кьур спортсменар спонсоррин ва райадминистрациядин патай кубокриз, гьуьрметдин грамотайриз, пулдин премийриз, медалриз лайихлу хьана. Тамашачийрин майилвилерай ва гьакI лап хъсан техникадай са шумуд пагьливандиз  Низам Эфендиеван патай премияр ва къиметлу пишкешар гана.

Чна азаддаказ кьуршахар кьунай СССР-дин спортдин мастер, акъажунрин кьилин судья Эсед Шагьмардановавай кьиле фейи бягьсерикай вичин фикир лугьун тIалабна.

– Эвелимжи нубатда заз, республикадин дережадин и турнирдик кьил кутуна, ам Ахцегьа вини дережадаваз тухузвай райондин ­регьбер Осман Абдулкеримоваз чухсагъул лугьуз кIанзава. Адан гуьзчивилик кваз районда жегьилар физкультурадални спортдал машгъул хьунин ери къвердавай хъсан жезвайди аквазва. И акъажунар кьиле фейи тегьердилай зун ва амай судьяяр, тренерар гзаф рази я. 1-нумрадин ДЮСШ-дин цIийи директор, РФ-дин спортдин мастер М.Гьажиеван, завуч, спортдин мастер А.Агьмедован, инин вири тренеррин алахъунрин нетижада чи 11 пагьливанди 1 ва приздин чкаяр кьуна. Им пис нетижа туш. Чахъ алакьунар авай гадаяр ва тежрибалу тренерарни ава. Жегьил пагьливанрихъ галаз тухузвай кIвалах гележегда мадни активламишайтIа,  бегьерлу нетижаярни жеда.

Рагьидин  Эминов


Всего просмотров: 13

Читайте также:

Добавить комментарий

Войти с помощью: