Сулейман-Стальский районда цlийи герб тестикьарна

16-июлдиз Сулейман-Стальский районда кьиле фейи райондин депутатрин Собранидин нубатдин заседанидал махсус комиссияди ахтармишна килигайдалай кьулухъ къалурнавай герб тестикьарна. И гьакъиндай «Лезги газетдиз» райондин администрациядин пресс-къуллугъди хабар гузва.

Депутатри ва муькуь иштиракчийри теклифнавай гербдин патахъай чпин фикирар лагьана ва ам РФ-дин Президентдин къвалав гвай Геральдический советди тестикьарун патал вирида сад хьиз сес гана.

Геральдический советдиз къалурдай райондин гербдин проектдиз и советдин экспертар килигда. Ахтармишунин нетижада авторди вичин проект талукь тирвал тамамар хъийида. Идахъ галаз сад хьиз, къейднавай гербдин патахъай чпин фикирар ва теклифар и адресдиз ракъурун теклифзава: Кьасумхуьр, Ленинан куьче, 26, МР-дин администрациядин дарамат, 1-мертеба, 4-нумрадин кабинет, Умуми отдел, алакъадин телефон: 8963 418 05 51.

«Лезги газет»


Всего просмотров: 45

Читайте также: