Суддиз рекье туна

РФ-дин Генеральный прокуратурадин сайтди хабар гузвайвал, Дербент шегьер­дин 2000 йисан юбилейдихъ галаз алакъалу мярекатриз гьазурвал акунин ва абур кьиле тухунин Дирекциядин виликан регьбердиз талукь яз уголовный дело къара­гъа­р­нава. Прокуратурадин делилралди, ада бюджетдинбур тир 44 миллион манат пул чуьнуьхнава. Уголовный дело алай вахтунда Дагъустандин меркездин Советский райондин суддиз рекье тунва.

Чешмеди къейдзавайвал, Дирекциядин виликан регьберди 2016-йисуз Дербентда гьуьлуьн кьер аваданламишунин (набережный) кIвалахриз талукь документрал­ къул чIугуна ва пудратчидив 44 миллион манат пул агакьарна. Гуьгъуьнлай ма­лум хьайивал, документра тамамарзавай кIвалахрин кьадар артухарнаваз хьана.

Къейд ийин хьи, адак “Къуллугъдикай чIурукIа менфят къачун – хсуси итижар аваз официальный документра къалп делилар къалурун” статьядай тахсир кутунва­.

“Лезги газет”


Всего просмотров: 69

Читайте также: