СтIалрин багълар

Кьиблепатан Дагъустанда 195 гектардин майданра инвестицийрин зурба проект — “СтIалрин багълар” (“Паласа” ООО) — уьмуьр­диз кечирмишнава, хабар гузва РД-дин хуьруьн майишатдин ва недай суьрсетдин министерстводи.

Фад арадал къведай ва булдаказ бегьер гудай (суперинтенсивный)  багъ адетдиндалай къелемар къалиндаказ цуналди  тафаватлу я. “СтIалрин багъларин” 1 гектарда  махсусдаказ арадал гъанвай сортарин тахминан 3 300  къелем цанва. Зулухъай багъларин майданар  мад 60 гектардин артухарда. Санлай къачурла,  багъларин майдан 1 агъзур гектардив агакьардай фикир ава.

Проект нетижалудаказ кьилиз акъудун патал  муниципалитетда мелиорациядин лазим кIвалахар кьиле тухузва. Ина  яд кIватI­дай пуд гьамбарханадикай (80 агъзур кубометрдилай гзаф гьакьдай) ибарат тир стIал-стIал яд гудай система тайинарнава.

Мукьвал тир гележегда проектдин бинедаллаз ина 50 агъзур тонн  емишар хуьдай гьамбархана эцигиз башламишдайвал я.  Ида гьасилзавай ва уьлкведин маса регионриз  маса  гузвай суьрсетдин кьадар артухардай мумкинвал гуда.

«Лезги газет»


Всего просмотров: 66
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире