СМИ-рин Форум

Ругуд йисалай са тIимил гзаф вахт идалай вилик Кеферпатан Кавказда СКФО-дин СМИ-рин Форум арадал атана. И проектдин тереф гегьеншдаказ хвена. Кеферпатан Кавказдин кьилин медийный Форумдин иштиракчи жез кIанзавайбурун кьадар йисалай-суз артух, адан гьуьндуьрвални хкаж жезва.

СКФО-дин СМИ-рин нубатдин, VI Форум 5-декабрдиз Чечен Республикадин меркез Грозный шегьерда ачух хьана ва 6-декабрдизни ада вичин кIвалах давамарзава.

Мярекатдин асул цIийивал квекай ибарат я лагьайтIа, Форум международный дережадиндаз элкъвенва. Гила ана неинки СКФО-дин республикайрин векилривай, гьакIни Россиядин маса регионрай ва  къецепатан уьлквейрай атанвай мугьманривай иштиракиз жезва.

Форумдин кьилин макьсад сада-сад тежрибадихъ галаз танишарун, медиа – хилен месэлаяр веревирд авун ва виридалайни итижлу проектар раиж авун патал журналистрин тешкилатриз, жемиятдин, гьукумдин векилрихъ галаз алакъаяр хуьнин рекьяй пешекарриз, экспертный ва карчийрин сообществодиз, блогерриз дискуссияр кьиле тухудай майдан тешкилуникай ибарат я.

“Лезги газет”


Всего просмотров: 97

Читайте также: