«Шеле-Баде ва Келле-Буба»

Лезгийрин тIвар-ван авай шаир Сажидин Саидгьасанова вичин нубатдин ктаб бицIекар патал акъудна. И хабар «Лезги газетдив» Сулейман-Стальский райондин администрациядин пресс-къуллугъди къе, 23-августдиз, агакьарна.  

«Шеле-Баде ва Келле-Буба» гьикаятдин къайдада кхьенвай кьиса я; ам чеб-чпихъ галаз алакъалу вакъиайрикай, гьа са игитри иштиракзавай 10 паюникай ибарат я. Кьилин игитрикай сад тир Шеле-Баде вичин уьмуьр тамун чкада акъудзавай ялгъуз къари я. Адан яшайишдин четин гьаларик цаварин къуват – Келле-Буба – къаришмиш жезва.

Къейднавай эсердиз фантастика, яшайиш, сатира, игитвал… хас я.

Сажидин Саидгьасанован и ктаб мектебдиз фидай яшдив агакь тавунвай аялар патал хъсан савкьат я. Адахъ акьалтзавай несилдиз руьгьдинни ахлакьдин жигьетдай тербия гунин метлебни ава.

«Лезги газет»


Всего просмотров: 63

Читайте также: