Шахматрай акъажунар тешкилна

И йикъара Кьурагьрин 1-нумрадин мектебда кардик квай «Точка роста» кабинетда итимрин арада шахматрай турнир кьиле фена. И хабар «Лезги газетдиз» райадминистрациядин пресс-къуллугъди гана.

Гьар йисуз кьиле тухузвай акъажунрин макьсад районда шахматрин спорт вилик тухун, жегьилар шахматрал желбун, абуруз ватанпересвилин тербия гун я. Чкадин мектебда кIелзавайбурулай гъейри, акъажунра Моллахуьруьн, КIирийрин, Кумухрин, Аладашрин ва Шимихуьруьн командайрини иштиракна.

Вири иштиракчияр мектебдин директор Гь. Мисриева ва райондин ФС-дин ва ДМ-дин отделдин начальник Р.Рамазанова тебрикна.

Яргъалди кьиле фейи акъажунрин нетижаяр нянрихъ тайин хьана. 1-чка Исрафил Шихкеримова (КIири), 2-чка Исмаил Абдуллаева (Кумух), 3-чка Бахтияр Ибрагьимова (Аладаш) кьуна. Тафаватлу хьайибуруз медалар, грамотаяр, къиметлу затIарин ва пулдин пишкешар гана.

«Лезги газет»   


Всего просмотров: 62
Подпишитесь на наши каналы:

Читайте также:


Новости партнеров