Сагъламвал хуьх!

            Дамаррин азарар  (варикозное расширение вен) авайла, 250 мг тройной одеколон ва 10 мг (1 пузырек) йод мичIи рангунин бутылкадиз цана, 7 юкъуз тада. Ахпа тIазвай дамарривай экуьнахъ ва нянихъ гуьцIда. Дамаррин азарар авайбуруз залан шейэр хкажун меслятзавач.

            Туьтвер тIаз иринламиш хьанвайла  0,5 стаканда авай чими циз чайдин са тIуруна авай кьел, шекер ва 10 стIал йод вегьена, и къаришма йикъа са шумуд сеферда туьтуьна экъуьрда.

            Туьтуьнин хтунин цIумаруфрик (щитовидная железа) азар акат тавун патал гьазурзавай хуьрекрик гьамиша йод квай кьел кутун лазим я.

            Кьулан тарцин грыжа авайла, ксудалди вилик кьулан тарцин кIарабривай пихтадин ягълу гуьцIда, ахпа а чкайрал виртIедик какадарнавай  мелгьем (мумие) эцигда.

            Хамуник азар квайла, гьар юкъуз чи­чIек ва серг ишлемишун меслят къалурзава. Абуру  микробар рекьизва, иви михьи ийизва ва гьакIни санлай бедендин гьал хъсанарзава.­

            Кьил тIазвайла, михекар, дарчинар ва миндаль (гьар сад 5 г) регъвена, сад садак какадарна, тIимил яд цана, адакай паста хьтинди туькIуьрда. Ахпа ам тIазвай чкайривай гуьцIда.

Гьазурайди — Надият Велиева


Всего просмотров: 22

Читайте также: