Рушарин акъажунар

Ахцегь райондин Хуьруьгрин хуьре 2002-2003-йисара дидейриз хьанвай рушарин арада волейболдай районрин уртах турнир кьиле фена.

Турнир райадминистрациядин физкультурадин, спортдин, жегьилрин ва туризмдин отделди тешкилна. Кьилин судья Хийируллагь Алияров тир.

Жегьил пагьливанар райондин кьил Осман Абдулкеримован патай тебрикуналди винидихъ тIвар кьур отделдин начальник На­зиля Исмаилова рахана.

Акъажунра Ахцегь, Мегьарамдхуьруьн, Кьурагь районрин командайри иштиракна. Итижлу акъажунрин нетижада 1-чка Ахцегь, 2-чка Кьурагь, 3-чка Мегьарамдхуьруьн районри кьуна.

* * *

Сулейман-Стальский райондин Агъа СтIал­рин-Къазмайрал мини-футболдай турнир хьана.

Адан вири къугъунар тамашачияр патал итижлудаказ кьиле фена. Чпин алакьунар къалурунин макьсаддалди майдандал район­дин ругуд школадин векилар кIватI хьанвай. Нетижада майдандин иесияр гъалиб хьана. 2-чка Курхуьруьн школьникри, 3-чка Кьасумхуьруьн 3-нумардин школадин векилри кьуна­.

Райадминистрациядин физический культурадин, спортдин, туризмдин ва жегьилрин крарин рекьяй комитетдин регьбер Надир Эфендиева и мярекатдин важиблувал къейд­на, гъалибчийрив наградаяр вахкана.

Дагъви Шериф


Всего просмотров: 29

Читайте также: