Россиядин югъ къейдна

11-июндиз Кьурагь райондин образованидинни медениятдин вири идарайра Россиядин йикъаз талукь суварин мярекатар кьиле фена. Идакай «Лезги газетдиз» райондин администрациядин пресс-къуллугъди хабар гузва.

Аялрин бахчайра сувариз талукь линейкаяр тешкилна. Райондин кьилин мярекат нисинин вахтунда Кьурагь хуьруьн гегьенш майдандал медениятдин ва туризмдин центрадин къуллугъчийрин иштираквал аваз кьиле фена.

Тебрикдин сифте гаф райондин кьилин заместитель Махач Хариеваз гана. Ада райондин руководстводин патай вирибуруз Россиядин югъ мубаракна, уьлкве патал суварихъ авай метлеблувал къейдна.

Тебрикрилай кьулухъ концертдин пай башламишна. Хъсан манияр тамамаруналди чкадин артистар тир Масан Асланова, Мадина Муртузалиевади, Фарида Жамаловади, Ражидин Исмаилова, Садуллагь Таибова, Равидин Тагьирова ва масабуру иштиракчийрин гуьгьуьлар шадарна.

«Лезги газет»


Всего просмотров: 22

Читайте также: