Россиядин Федерациядин цIийи Гьукумат

Алай йисан январдиз Россиядин Федерациядин Президент Владимир Путина Федеральный Собранидиз Чар кIелайдалай гуьгъуьниз уьлкведин гьукумат отставкадиз фена. 16-январдиз РФ-дин Госдумадин депутатри Гьукуматдин Председателвилин къуллугъдал теклифнавай Михаил Мишустиназ рейсадвилелди сес гана.

ЦIийи Председателди уьлкведин Президентдиз РФ-дин Гьукуматдин къу­рулушдин гьакъиндайни малумат га­на. Тайин хьайивал, РФ-дин Гьукуматдин Председателдин заместителарвиле, сад лагьай заместителни кваз, 9 кас тайинарна: Андрей Белоусов, Дмитрий Григоренко (ам гьакI гьукуматдин аппаратдин кьилни я), Виктория Абрамченко, Юрий Трутнев, Юрий Борисов, Татьяна Голикова, Алексей Оверчук, Марат Хуснуллин ва Дмитрий Чернышенко.

Министрарвиле тайинарнава: зегьметдин ва яшайишдин рекьяй хуьнин — Антон Котяков, просвещенидин — Сергей Кравцов, хуьруьн майишатдин — Дмитрий Патрушев, транспортдин – Евгений Дитрих, юстициядин — Константин Чуйченко, здравоохраненидин — Михаил Мурашко, къецепатан крарин рекьяй — Сергей Лавров, оборонадин — Сергей Шойгу, экономика вилик тухунин рекьяй — Максим Решетников, финансрин — Антон Силуанов, культурадин — Ольга Любимова, промышленностдин ва алишверишдин — Денис Мантуров, къенепатан крарин — Владимир Колокольцев, илимдин ва кьилин образованидин — Валерий Фальков, энергетикадин — Александр Новак, спортдин — Олег Матыцин, гьахъ-гьисабрин рекьяй вилик финин, алакъадин ва массовый коммуникацийрин — Максут Шадаев, МЧС-дин — Евгений Зиничев, Дальний Восток ва Арктика вилик тухунин рекьяй — Александр Козлов, тIебиатдин ресурсрин ва экологиядин — Дмитрий Кобылкин, эцигунрин ва ЖКХ-дин — Владимир Якушев.

РФ-дин Гьукуматдин виликан членрикай хкудна: вице-премьерар — Виталий­ Мутко, Максим Акимов, Дмитрий Козак, Ольга Голодец, Алексей Гордеев. Министрар — Максим Орешкин, Ольга Васильева, Михаил Котюков, Вероника Скворцова, Максим Топилин, Константин Носков, Сергей Чеботарев, Владимир Мединский, Павел Колобков, Александр Коновалов.

Уьлкведин  Гьукуматдин чIехи къуллугърал тайинарнавайбуру виликдай кIва­лахзавай: Андрей Белоусова — РФ-дин экономикадин рекьяй вилик финин министрвиле, ахпа экономикадин месэлайрин рекьяй президентдин куьмекчивиле. Марат Хуснуллина — шегьердин эцигунрин сиясатдин ва эцигунрин рекьяй Москвадин мэрдин заместителвиле. Виктория Абрамченкоди — РФ-дин экономикадин рекьяй вилик финин министрдин заместителвиле. Дмитрий Григоренкоди — ФНС-дин руководителдин заместителвиле. Дмитрий Чернышенкоди — “Газпром — Медиа Холдинг” правленидин председателвиле ва генеральный директорвиле. Алексей Оверчука — ФНС-дин кьилин заместителвиле. Сергей Кравцова — Рособрнадзордин руководителвиле. Максим Решетникова — Пермдин крайдин губернаторвиле. Олег Матыцина — студентрин спортдин Международный федерациядин президентвиле. Антон Котякова — Москвадин областдин финансрин министрдин заместителвиле. Михаил Мурашкоди — Москвадин здравоохраненидин къурулушда руководителдин заместителвиле. Валерий Фалькова — ТюмГУ-дин ректорвиле. Максут Шадаева — Ростелекомдин “РТ Лабс” — дин — генеральный директорвиле. Ольга Любимовади — культурадин министерстводин кинемотографиядин департаментдин руководителвиле.

«Лезги газет»


Всего просмотров: 52
Подпишитесь на наши каналы:

Читайте также:


Новости партнеров