РикIера хуьнин мураддалди

Дагъустандин муфтий Агьмад Абдулаева къведай йисуз Махачкъалада цIийи парк арадал гъидайдакай лагьана. Ам чандиз къастна кьейи динэгьлийрин ва цIай кьуникди чанар гайи, сергьятламиш хьанвай сагъламвал авай аялрин руьгьериз бахшда.

– Чун яшамиш жезвай посёлокда, са шумуд йис идалай вилик набут 28 аял цIай кьуникди кана. Гьа чкадал чна парк туькIуьрда, – лагьана муфтийди. Адан гафарай, чилин иесийриз инал гзаф мертебайрин кIвалер эцигиз кIанзавай.

– Чна абурувай, квевай, пак аялрин чанар пуч хьанвай гьа и чилел кIвалер эцигна, маса гуз жедани лагьана, хабар кьунай. Абур кардин гъавурда гьатна ва куьмекиз башламишна.

Генани муфтийди лагьайвал, паркуна 28 аялдин ва динэгьлийрин тIварар кхьенвай къван жеда. “Алай вахтунда парк туькIуьрунин кIвалах башламишнава. Къведай йисуз ам кардик кутада”, – алава хъувуна А. Абдулаева.

Бедбахтвилерин къурбандар гьамишалугъ яз рикIера хуьнин метлеб аваз туькIуьрзавай паркуни са гектардин майдан кьада.

Чи мухбир


Всего просмотров: 33

Читайте также: