Рекьин гьал ахтармишна

16-апрелдиз Докъузпара райондин администрацияда кьиле фейи нубатдин совещанидал «Докъузпара район» МР-дин Кьил А.Алискерова райондин сергьятра авай рекьин гьалдин месэла къарагъарна.

Алай вахтунда рекьин гьал авайдакай веревирдер авурдалай кьулухъ райондин Кьили МКУ «Сад тир информациядин центр» идарадин начальник Акиф Балакшиевал рекьин гьал ахтармишун тапшурмишна.

А.Балакшиев кьиле аваз чкадин СМИ-дин векилри Докъузпара райондин райондин сергьятрал гьалтзавай «Магьарамдхуьр-Ахцегь-Рутул» республикадин трекьин участокар ахтармишна. Дикъетдивди ахтармишайла малум хьайивал, рехъ рази жедай гьалда авач. Алай вахтунда рехъ авай гьал герек тир нормайрин истемишунрив эсиллагь кьазвач. Гьелбетда, пис гьалда авай рекьер себеб яз автомобилрихъ галаз алакъалу хасаратвилерни артух жезва. Аквазвайвал, ихтилат физвай рекьин участокдиз ремонт такуна са шумуд йис я. Рекье лекъвер, чухурар акъатнавай чкаяр гзаф кьадарда ава. Абуру улакьрин гьерекатриз еке манийвал гузва.

“Лезги газет”

 


Всего просмотров: 18

Читайте также: