Рамзан Къадирова лезги министр тебрикна

И йикъара Чечнядин Кьил Рамзан Къадирова ЧР-дин здравоохраненидин министр Эльхан Сулеймановаз хайи югъ мубаракна. И гьакъиндай «Грозный-информ» чешмеди хабар гузва.

«Зун играми стха Эльхан Сулеймановахъ галаз таниш яз гзаф йисар я. За адаз Чечнядиз атун теклифна, ам ЧР-дин кьилин куьмекчивилин къуллугъдал, онкологиядин диспансердин кьилин духтурвиле ва здравоохраненидин министрвиле тайинарна. Адан кlвалахдин нетижайриз къимет гуз жедай вахт алукьнава. За еке гьевесдивди лугьузва, Эльхан Абдуллаевич лап хъсан тешкилатчи, тежрибалу духтур ва жавабдар руководитель я. Медкъуллугъчийрин кlвалахдин шартlар хъсанарун патал ада гзаф крар кьилиз акъудна, абурун пешекарвилин дережа хкажна ва икl мад. Къе Чечнядин здравоохранение Россияда хъсан дережада авайбурукай я. За Эльхан Абдуллаевичаз хайи югъ мубаракзава. Къуй адахъ мягькем сагъвал ва агалкьунар хьурай! », – кхьенва Р.Къадирован тебрикда.

“Лезги газет”


Всего просмотров: 353

Читайте также: