Райондин кьили имамдихъ галаз гуьруьш кьиле тухвана

И йикъара Мегьарамдхуьруьн райондин кьил Фарид Агьмедова Мегьарамдхуьруьн имам Мумин-гьажи Бидирхановахъ галаз гуьруьш кьиле тухвана. Идакай «Лезги газетдиз» райадминистрациядин пресс-къуллугъди хабар гузва.

«Гьукумдин органрин, диндин ва жемиятдин деятелрин кIвалахар хъсан крар арадал гъунихъ, жемият еримлу авунихъ элкъуьрнавайбур хьун лазим я. Ихьтин гьалар анжах къуватар сад авуналди кьилиз акъудиз жеда», — гуьруьшдин гьакъиндай баян гана райондин кьили.

Ада къейд авурвал, жемиятдин арада руьгьдинни ахлакьдин ва инсанри сада-садаз гьуьрмет авунин гьалар хьун важиблу я, гьикI хьи, халкьдин арада асайишвилини ислягьвили агъавалун гьа и месэлайрилай аслу я.

Гуьруьшдин вахтунда абуру халкьдин руьгьдинни ахлакьдин тербиядин ва марифатдин крара алакъалувилелди кIвалахунин месэлаяр веревирдна.

«Лезги газет»


Всего просмотров: 40

Читайте также: