Райондин кьили агьалияр кьабулна

13-февралдиз Мегьарамдхуьруьн райондин кьил Фарид Агьмедова администрацияда агьалияр кьабулунин серенжем кьиле тухвана. И гьакъиндай «Лезги газетдиз» райондин администрациядин пресс-къуллугъди хабар гузва.

Агьайриз чпин хсуси месэлайрин патахъай райондин кьиливай куьмек тIалабдай мумкинвал жезва. Нубатдин сефердани райондин жуьреба-жуьре хуьрерай атанвай агьалийри чпин дердияр ахъайна. ИкI, Мегьарамдхуьруьн, ЦIийихуьруьн, Советское ва Чахчах-Къазмаяр хуьрерин агьалийриз чилин участокар садан кIвачихъай масад кIвачихъ хъиягъунин карда куьмек кIанзавай. Абур райондин кьили, къанунрал асаслу яз, и кар гьикI кьиле тухун лазим ятIа, гъавурдик кутуна.

Мегьарамдхуьряй тир са агьалиди дигидай яд бес тежезвайвиляй и месэла гьялунин карда куьмек тIалабна. И месэла гьялун патал Ф.Агьмедова вичин заместитель А.Гьажиеваз чкадал финин тапшуругъ гана.

Серенжемрин сергьятра аваз райондин кьили агьалийрин хсуси дердийрихъни яб акална. Вири месэлайрин патахъай Ф.Агьмедова агьалияр галай-галайвал гъавурдик кутуна. Чкадал гьялай месэлаярни хьана, бязибурун патахъай жавабдар къуллугъчийриз талукь тир тапшуругъарни гана.

«Лезги газет»


Всего просмотров: 19

Читайте также: