Райондин кьили агьалияр кьабулна

И йикъара Сулейман-Стальский райондин кьил Нариман Абдулмуталибова нубатдин сеферда агьалияр кьабулна. и гьакъиндай «Лезги газетдиз» райадминистрациядин пресс-къуллугъди хабар гузва.

Райондин кьилив атайбуру чпин хсуси месэлайрин патахъай куьмек гун тlалабна. Агьалийри гзафни-гзаф кlвалахдал тайинаруниз талукь тир ва чилерихъ галаз алакъалу месэлаяр къарагъарзава. Икl, Нариман Абдулмуталибован патав кlвалахдал тайинарунин месэладин патахъай Агъа Стlалрилай, Кьасумхуьряй, Татархуьряй ва Эминхуьряй ксар атанвай. Райондин кьили абурун арзайриз дикъетдивди яб гана ва, мумкинвал хьайивалди, абуруз кlвалахал акъвазунин карда куьмек гун хиве кьуна.

Курхуьряй тир Б.Абукароваз кlвалахдал акъвазунин месэладай куьмек кlанзавай. Идалайни гъейри, ада ихтилат авурвал, ЦЗН-дай гузвай такьатар дуьздаказ гузвач. Райондин кьили и месэладиз килигун заместитель А. Жаватовал ва райадминистрациядин жавабдар къуллугъчи М.Исмаиловал тапшурмишна.

Кlварчагъ хуьряй тир Н.Гьуьсейноваз вичин хва кlвалахал эцигунин ва гьайванар хуьн патал 100 гектар чил чара авунин карда куьмек кlанзавай. И месэлайриз килигунин ва абур гьялунин карда куьмек гун патал райондин кьили райадминистрациядин кьилин заместитель С.Темирхановал ва «УМиЗ» МБУ-дин директор Н.Гьасановал тапшурмишна.

Хсуси месэлайрин патахъай Цlийи Макьарилай, Кьасумхуьрелай вам аса хуьрерай мадни ксар атанвай. Райондин кьили гьар са месэладин патахъай алакьдайвал куьмекар гун ва абур вичин гуьзчивилик кутун хиве кьуна.

“Лезги газет”


Всего просмотров: 12

Читайте также: