Райондин кьили агьалийрихъ яб акална

И йикъара Мегьарамдхуьруьн райондин кьил Фарид Агьмедова кьилдин месэлайрин патахъай агьалияр кьабулунин нубатдин серенжем кьиле тухвана. Идакай «Лезги газетдиз» райондин администрациядин пресс-къуллугъди хабар гузва.

Нубатдин сеферда райондин кьилин патав 17 агьали атана. Абурун месэлаярни жуьреба-жуьре терефриз талукьбур тир. Хуьрерин къенепатан рекьер хъсанарун, кIвалер эцигдай чил чара авун, яшайишдин шартIар хъсанарун, кIвалахдал тайин хьун – ингье райондин агьалийрик гзафни-гзаф къалабулух кутазвай месэлаяр.

Райондин са шумуд хуьряй атай агьалийрин тIалабунрихъ Ф.Агьмедова кьилди яб акална, а месэлаяр къанундалди гьялдай рекьер жагъурдайдакай лагьана. Хейлин месэлаяр гьа чкадал гьялиз жедайбур яз хьана. Мад сеферда килиг хъувунин чарасузвал авай месэлайрин патахъай лагьайтIа, абур талукь тир жавабдар къуллугъчийрин хиве туна.

Вири месэлаяр райондин регьберди вичин хсуси гуьзчивилик кутуна.

«Лезги газет»  


Всего просмотров: 27

Читайте также: