Пушкинан йикъаз талукьарна

Мукьвара Сулейман-Стальский райондин Алкьвадар Гьасанан тIварунихъ галай центральный ктабханада Пушкинан йикъаз талукь мярекат кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.

Ктабханада тешкилай мярекатда кIелдайбурун залдин заведующий Г.Меликовади кIелдайбуруз машгьур шаирдин яратмишунрикай, уьмуьрдикай бязи малуматар ахъайна. Гуьруьшдал ктабханадин аялрин отделенидин заведующий Ч.Абдулгьафисовани, Т. Загьировани, методист Г. Рамазановани рахана. Абуру акьалтзавай несилрин уьмуьрда шаирдин яратмишунрихъ еке метлеб авайди къейдна, А.Пушкинан махар кIелна ва мярекатдин иштиракчияр жуьреба-жуьре шаиррини писателри Пушкинан гьакъиндай лагьанвай фикиррихъ галаз танишарна.

Мярекатдиз талукь яз «Чна мад Пушкинан цIарар кIелзава» тIвар алай выставкани безетмишнавай.

«Лезги газет»  


Всего просмотров: 18

Читайте также: