Пулдин алава такьатар

Малум тирвал, алай вахтунда Дагъустанда “Россети” ПАО-дин энергетикри ученияр кьиле тухузва. “Дагестанская сетевая компания” АО-дин пресс-къуллугъди­ хабар гузвайвал, и серенжемрин нетижада республикадин хийирдиз 150 миллион манат пул къведа. Такьатар Дагъларин уьлкведа энергетикадин инфраструктура вилик тухунин рекье харжда.

Чешмеди хабар гузвайвал, ученияр кьиле физвай чIавуз Дагъустандин са жерге шегьеррани районра ишлемишзавай энергиядин гьахъ-гьисаб кьадай 18 агъзур прибор, 700 километр мензилда электрикдин симер (ЛЭП), ЛЭП-дин 7500 даях дегишарда ва трансформаторрин 300 подстанция ремонт ийида. Идалай гъейри, федеральный энергетикри Махачкъаладин ва адаз мукьва районрин сетрин майишат дуьзгуьндаказ ахтармишда.

Чи мухбир


Всего просмотров: 47

Читайте также: