Пасхи

Дуьньяда авай ажайиб чкайрикай сад Тихий океандин кьибле-шаркь пата авай Пасхи ос­тров я. Ам Чилидин мулкарик акатзава. Чкадин агьалийри островдиз Рапануи лугьузва.

Пасхи островдин майданри 163,6 квадратный метр кьазва. И чка, архипелаг Тристан-да-Куньядихъ галаз сад хьиз, инсанар яшамиш жезвай виридалайни яргъа авай, остров я. Ам Голландиядин сиягьатчи Якоб Роггевена 1722-йисуз ачухнай. Анга-Роа и островдин меркез ва и мулкара авайни-авачир са шегьер я. Ана ругуд агъзурдав агакьна инсанар яшамиш жезва. Остров гзафни-гзаф инсандин кIалубда авай къванцин имаратралди (шикилда) машгьур я. 1995-йисуз Пасхи остров ЮНЕСКО-дин ирсинин объектрик акатна. Гьакъикъатдани, Пасхидилай гъейри, дуьньяда икьван ажайиб, сирлу остров мад авач.

Набататрал гьалтайла, остров гзаф кесиб я: ана анжах 30-далай гзаф набататрин жуьреяр экъечIзава.

Европадин агьалияр къведалди островдин гьайванрин алем асул гьисабдай це яшамиш жедайбурукай ибарат тир: хъалхъас хъипер, гьуьлуьн кицIер, пахлаханар. ХХ асирдин юкьварал кьван островда верчерни хуьзвай.

Гьазурайди — Куругъли Ферзалиев


Всего просмотров: 18

Читайте также: