Нубатдин совещанидал месэлаяр веревирдна

12-ноябрдиз Кьурагь райондин администрациядин заседанийрин залда райондин кьил Замир Азизова райондин идарайринни тешкилатрин жавабдар къуллугъчийрихъ галаз кlвалахдин рекьяй нубатдин совещание кьиле тухвана. И гьакъиндай «Лезги газетдиз» райадминистрациядин пресс-къуллугъди хабар гузва.

Нубатдин совещанидал алатай гьафтедин нетижаяр кьуна ва вилик квай гьафтеда кьилиз акъудна кlани месэлаяр веревирдна. Совещанидин кlвалах хуьрерихъ галаз кlвалах тухунин рекьяй райадминистрациядин патай тамам ихтиярар ганвай къуллугъчи Эльмира Исаевадив «Дагъустандин дишегьлийрин союз» юбилейдин медаль вахкунилай гатlунна.

Гуьгъуьнлай райондин кьил З.Азизова вири руководителриз налогрин жигьетдай амай буржар арадай ахкъудун ва и кlвалахдин нетижайрикай райондин экономикадин ва эменнидин отделдин начальник И.Муслимоваз информация агакьарун теклифна.

Совещанидал рахай ЦРБ-дин кьилин духтур О.Гьададова къейд авурвал, стационарный къайдада дири хъувун патал азарханада исятда 30 начагъ инсан ава. ЦРБ-дин къуллугъчийри алай вахтунда гриппдиз акси рапар язава; азарханада алай вахтунда четин азарри азият гузвай ксар авач.

Кьилин духтурди алава хъувурвал, райондин азархана герек тир вири дарманралди, недай затlаралди, чимивилелди таъмин я.

Совещанидал райондин образованидин управленидин начальник Р.Катибова мукьвара спортдин школаяр ва алава образованидин идараяр ахтармишдайдакай хабар гана.

Хуьрерихъ галаз кlвалахар тухузвай къуллугъчи Э.Исаевади 2019-йис патал газетарни журналар кхьинин гьакъиндай тухванвай кlвалахдикай ихтилатна.

Гьафтедин совещанидал маса жавабдар ксарини авунвай кlвалахрикай, хъувуна кlани месэлайрикай суьгьбетарна, вилик акъвазнавай крар тамамарунин рекьер жагъурун патал саналди веревирдна.

«Лезги газет»


Всего просмотров: 24

Читайте также: