Нехуьн шурпа

Лезги хуьрекар

Лезги халкьдин рикI алай тIуьнрин жергеда нехуьн чIахарикай гьазурзавай хуьрекри кьетIен чка кьазва.  Бязи лезги районра, бубайрин ирс давамарун яз, нехв цазва, “Лезги чIахарикай” чи уьлкведин гьар са пипIе малум я.

ЧIахарин афарар, чIахарин аш, нехуьн шурпа ва маса тIуьнар лезги халкьдин цIун кIвалин куьгьне хуьрекрик акатзава. Къе чна дагъвийрин рикI алай “нехуьн шурпадикай” кхьида. Адет яз, ам кьурай якIу­кай гьазурда. Кьурай як, жезмай кьван кIараб квай чка, са сятда кьван ргана, цикай хкудда. Як ргай циз чкалдикай михьнавай 3-4 картуф куьлуь авуна вегьена, ргада. Са 5 декьикьадилай гъвечIи сукIрадаваз чуьхвенвай нехуьн чIахар вегьена, вири гьазур жедалди мадни 15-20 декьикьада ргада. Кьилди куьлуьз куьткуьннавай чичIекни къавурар (лапагдин тум) чIеминал акъугъдалди чрана, тагъда. Кьурай як, куьлуь авуна, шурпадик хъивегьда. Недайла, гьар къапуниз са кавчадавай звал акъуднавай некни, винелай 2-3 тIур тагъ вегьена, шурпа вилик гъида.

Нарима  Агьмедова


Всего просмотров: 111
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире