Н. А. Исмаилов

Алай йисан 6-декабрдиз Ахцегь райондин КьакIарин хуьряй тир Ватандин ЧIехи дяведин активный иштиракчи Наби Азизович Исмаилов рагьметдиз фена.

Наби Азизович неинки Ахцегь районда, гьакI Дагъустандани тIвар-ван авай Исмаиловрин хизандай тир. Гитлеран фа­шистри Советрин Союздал вегьейла, Исмаиловрин хизандай 6 стха (Исмаил, Наби, Нагъи, Нурудин, Тажидин, Шагьбас) фронтдиз фена. Кьуд стха, абурук­ кваз Набини, Берлиндиз кьван агакьна. Къизгъин женгер чIугваз-чIугваз, Наби Азизович Моздокдай Новороссийскдиз, ахпа Европадин са жерге уьлквейрин меркезрай яна, Германиядиз акъатна. Гъалибвилик чпин еке пай кутур 6 стхани­ сагъ-саламатдиз хайи ватандиз хтана.

Наби Исмаилова чи уьлкведин аслу туширвал, азадвал патал игитвилелди, дирибашвилелди женгер чIугуна. Ам женгинин са жерге орденринни медалрин сагьиб тир. Ахьтин кас рагьметдиз фена лагьана ван хьайила, районэгьлийрин рикIериз еке дерт хьана.

Чи рикIера Наби Азизович гьамиша уьтквемвилин, жуьрэтлувилин чешне, халисан ватанперес яз амукьда. Вичин уьмуьрдин гьар са югъ ада къени крар авуниз серфна.

Чна, дериндай хажалат чIугуналди, Наби Азизовичан хизанриз, багърийриз ва хуьруьнвийриз башсагълугъвал гузва.­

Наби Исмаилован жанлу къамат чи рикIера даим яз амукьда.

“Лезги  газетдин” редакциядин коллектив,

“Ахцегь  район” МР-дин администрация


Всего просмотров: 35

Читайте также:


Новости партнеров