Мулкар абадзава

И йикъара Мегьарамдхуьре тротуарар туьхкIуьр хъувунин кIвалахар кьиле физва. Райондин администрациядин пресс-къуллугъди «Лезги газетдиз» хабар гайивал, сифте нубатда яшайишдин хилерихъ галаз алакъалу объектрихъ физвай рекьерин тротуарар къайдадик кухтуниз фикир гузва. Кьилди къачуртIа, Гагаринан, Ленинан тIварарихъ галай кьилин куьчейра кIвалахар давамарзава.

Пудратчивилин «Строй-Холдинг»  тешкилатди кьил кутур ремонтдин кIвалахарин чIехи пай тамамарнава. Тротуарра авай плитаяр цIийибуралди эвезна, яд авахьдай чкаярни туьхкIуьр хъувуна, бязи чкайрал къерех тирвал куьсрияр, зирзибилар гадардай къапар тайинарнава.

Мулкар абадунин кIвалахар райондин регьберди кьетIен гуьзчивилик кутунва. Къейдзавайвал, и жигьетдай кIвалахар маса чкайрани давамарда.

«Лезги газет»


Всего просмотров: 73
Подпишитесь на наши каналы:

Читайте также:


Новости партнеров