Милли жуьрейрай акъажунар

Гьар йисуз адет хьанвайвал, Докъузпара райондин Мискискарин хуьре Яран суварин сергьятра аваз спортдин милли жуьрейрай акъажунар кьиле фена. Цlинин йисуз къван гадарунай, алай чкадилай хкадарунай ва путар хкажунай кьиле фейи акъажунра хейлин пагьливанри чпин алакьунар къалурна.

Акъажунрин нетижада къван гадарунай 1-чка Элмадин Ибрагьимова (Махачкъала), 2-чка Мевлан Акберова (Мискискар), 3-чка Нажмудин Мусабегова (Цlийи Къаракуьре) кьуна; алай чкадилай хкадарунай 1-чка Абдурагьман Жамиева (Цlийи Къаракуьре), 2-чка Тельман Рамалданова (Цlийи Къаракуьре), 3-чка Элмадин Ибрагьимова (Махачкъала) кьуна; путар хкажунай 1-чка Элмадин Ибрагьимова (Махачкъала), 2-чка Эмин Ибрагьимова (Мискискар), 3-чка Багьадин Алиева (Мискискар) кьуна.

Гъалиб хьайибуруз ва приздин чкаяр кьурбуруз райондин администрациядин патай дипломар ва пулдин пишкешар гана.

Спортдин милли жуьрейрай акъажунар райондин мад са шумуд хуьре кьиле фена.

Куругъли Къалажухви


Всего просмотров: 110

Читайте также: