Мелер тешкилна

Ахцегь райондин 90 йисан юбилейдиз гьазурвилер акунин серенжемрин сер­гьятра аваз мукьвара Гъуьгъвезрин хуьруьн агъа магьледин агьа­лийри чеб яшамиш жезвай чкада къулайвал хьун патал мелер кьиле тухвана.

ИкI, Мирзебег Лачинован регьбервилик кваз абуру куьгьне ва гъвечIи булахдин патарив гвай чкаяр аваданламишна, къулайдаказ туькIуьрна. Эцигунрин материалар къачун патал Тельман Лачинова, Къариб Алирзаева, Султан Лачинова пулдин куьмекар гана.

Булах туькIуьрунин кIвалахар кьиле физвайла М.Лачиноваз С.Лачинова, Къ.Алирзаева, М.Алирзаева, М.Лачинова, Э.Агъаризаева активвилелди куьмекар гана. Гележегда магьледин агьалийри булахдихъ жугъун агалдун, ам малари яд хъвадай чкадикай­ чара авун ва цлара, чиле плитка туна чIагурун фикирдиз къачунва.­

«Лезги газет»


Всего просмотров: 36

Читайте также: