Мектебра медицинадин кабинетар арадал гъида

Ахцегь райондин эцигунрин управленидин начальник Мусабег Гьажиев, образованидин управленидин начальник Алмас Гьажиев ва са жерге маса жавабдар къуллугъчияр квай комиссияди Хуьруьгрин, Ахцегьрин 1 ва 2-нумрайрин мектебра медицинадин кабинетар кардик кутунин месэла чкайрал гьялна.

«Лезги газетдиз» райадминистрациядин пресс-къуллугъди хабар гузвайвал, Ахцегь райондин кьил Осман Абдулкеримова образованидин идарайра лицензия авай медицинадин кабинетар арадал гъунин ва тадаракламишунин патахъай махсус комиссия тешкилна ва адан членрал вилик акъвазнавай месэла гьялун тапшурмишна.

Ахтармишунин нетижада комиссияди винидихъ къейднавай мектебрин дараматра талукь тирвал медкабинетар кардик кутунин помещенияр тайинарна. Райондин эцигунрин ва сад тир заказчикдин управленидин къуллугъчийри талукь тир вири документар гьазурда.

«Лезги газет»


Всего просмотров: 19

Читайте также: